حس بخوك

يالي راقد في الدفاء ** أخيك ماعندوش غطاء

البرد والشر ياكل فيه ** عاونوا و حويجة أعطيه 

راهو عمك راهو خوك ** راهو جدك راهو بوك

لا عندو شوفاج لا مونة ** لا ياكل في حويجة سخونة

جبل ثلوج قدام الدا ر ** وهو حاير محتار 

محصور في راس الجبل ** مشكل ماعندوش حل 

لا عندو لا ماء لا ضو ** ولد يحب فطورو تو

يرضع يبكي علحليب ** مريض شايب ما لقاش طبيب

هذا أمنك ما يقراش ** كيفاش يتعدى ما لقاش 

يا الي راقد في الدفاء ** أخيك ماعندوش غطاء

لا عندو لا ماء لا ضو ** ولد يحب فتورو تو 

يرضع يبكي علحليب ** مريض شايب ملقوش طبيب 

هذا أمنك ما يقراش ** كيفاش يتعدى ميلقاش

يالي راقد في الدفاء ** يالي راقد في الدفاء

يا الي راقد في الدفاء ** وخيك ماعندوش غطاء

واحد راقد علفلوس ** و لوخر جيعان ومتعوس 

هذا يحكي بالمليار ** ولوخر في عشية محتار 

ناس تلقط في لبوبال ** وناس عايشة عال لعال

يالي راقد في الدفاء ** أخيك ماعندوش غطاء

يا الي راقد عالحرير ** عالزوالي شوية غير 

ياالي شبعان و بشوش **  فكر في اللي ماعندوش

عندكش فريش أعطيه ** عندكش لبسة حلوة اهديه

أحسبهم أمك أحسبهم خوك ** حس بهم يرحم بوك 

نهار علي نهار عليك ** افهمني ربي يهديك

يا الي راقد في الدفاء ** أخيك ماعندوش غطاء

برد سريدي وجبال ثلوج ** و هو مسرد كالفروج

                                                                                                         عبد الواحد الزاوية